Сурхонга футболни қайтаринг яна!

Ҳар бир ниҳол қуёшга интилиб, осмонга бўй чўзганидек футболга қадам қўйган ёшлар ҳам юксак чўққиларни забт этишни орзу қилади. Уларнинг бу борадаги интилишларини қўллаб-қувватлаб турадиган куч эса, соғлом рақобат туйғуси бўлиб, у тенгдошлари эришаётган ғалаба ва ютуқларни такрорлашни, керак бўлса улардан ўзиб кетишни ҳам орзу қилади. Истиқлол йилларида ёшларимизнинг илмли бўлиши билан бирга соғлом бўлишига алоҳида эътибор берилди. Уларнинг бўш вақтларидан унумли фойдаланишлари учун янгидан янги футбол заллари ва майдонлар қуриб берилди. «Соғлом она-соғлом бола, соғлом жамият» тизими яратилди. Уларнинг асосий йўналишларидан бири жисмоний соғломликни таъминлашдир. 2000 йили янги таҳрирдаги «Жисмоний тарбия ва спорт тўғрисида»ги қонун қабул қилиниши.

Сурхонга футболни қайтаринг яна!!!

(мухлис шеъри)

Майдонлар ҳам қолди мана ҳувиллаб,
Бу ҳаёт бизларни бошлар қай- ёна?
Дардимиз тингловчи бормикан ҳайҳот?
Сурхонга футболни қайтаринг яна!
 
Азалий орзумиз шу бўлиб қолди,
Умид қилавериб кўзлар ҳам толди.
Олийда ўрнимиз наҳот йўқолди?
Сурхонга футболни қайтаринг яна!
 
Жонкуяр мухлислар бизда каммиди?
Ўйинга майдонлар лиқ- тўлмасмиди?
У кунлар ҳам бизга, бир армонмиди?
Сурхонга футболни қайтаринг яна!
 
Сурхон сингиб кетти қайси чўлларга,
Тўпаланг тўзғиди яна қайларга.
Наҳот кимса боқмас бизнинг войларга?
Сурхонга футболни қайтаринг яна!
 
Шўрчининг шўрига шўрва тўкилиб,
У ҳам кетти билмам, қайга йўқ бўлиб.
Бирлашиб, кенгашиб, битта жон бўлиб!
Сурхонга футболни қайтаринг яна!
 
Бошқа қайтмайдими Дўрмоновлар?
Тарихга айланган ё- Бозоровлар.
Қаловини топсанг ёнгай қировлар,
Сурхонга футболни қайтаринг яна!
 
Токай биз ҳавасда Қашқадарёга?
Гулистони қайтган Сирли дарёга.
Байрам қилиб энди Сурхондарёга,
Сурхонга футболни қайтаринг яна!
 
Азалдан бой бу юрт истедодларга,
Қачонгача ўйнар улар ёт жойда?
Кўтариб бошингиз ён- атрофларга,
Сурхонга футболни қайтаринг яна!
 
Воҳамиз тақдири лоқайд қўлларда,
Ватан ҳисси йўқми наҳот уларда?
Сабрнинг ҳам охири шунча бўларда?
Сурхонга футболни қайтаринг яна!
 
Сурхон ўйнар бўлса , қувонар эдик,
Гўёки улармас, биз ўйнар эдик.
Ҳаёт ташвишларини унутар эдик,
Сурхонга футболни қайтаринг яна!
 
Майли керак эмас чемпионлиги,
Ўйнаб юрса бўлди, тинч- омонлиги.
Икки миллион халқни сиздан ўтинчи,
Сурхонга футболни қайтаринг яна!!!
 
Сирожиддин.