RU

Последние новости

01:55ПСЖ финалда "Интер"га жавобсиз 5та гол урди ва ўз тарихида биринчи марта ЕЧЛ бош совринига эга чиқди  140 00:51Сарри Римга қайтишга яқин  2 00:21"Ал Ҳилол" Зиданга йилига 100+ млн евро таклиф қилганди. Мураббий эса...  2 23:10Раҳмоналиев экстра-таймларда майдонга тушган ўйинда "Сабаҳ" "Қорабоғ"ни енгиб, Озарбайжон кубоги соҳиби бўлди! Клуб Европа лигаси саралашида иштирок этади  0 22:50Баҳром Ҳайдаров: "Селекция ишлари ҳар бир жамоада мунтазам давом этади"  1 22:33Виталий Левченко: "Чемпионатда танаффус юзага келганида шу каби ўртоқлик ўйинлари жамоа учун фойдали бўлади"  1 22:05CAFA U-17 Championship 2025. Ўзбекистон 120 дақиқа давом этган финалда Тожикистонга аламли тарзда ютқазди  59 21:20Назорат учрашуви. "Нефтчи" Фарғонада "Қўқон-1912" билан дуранг ўйнади  2 20:55Ўзбекистон U-23 назорат ўйинида "Хоразм"ни мағлуб этди  1 20:22Бугун финал! УЕФА Чемпионлар Лигаси бош соврини кимга насиб қилади?  36 20:11ОФК вакиллари 2 юлдузли "Бунёдкор" академиясига қандай баҳо беришди?  2 20:00Холид Ал Данҳани: "Бор эътиборимиз Ўзбекистон билан ўйинга қаратилган"  3 18:50Ўзбекистон Кубоги финали олдидан: "Оил Стар" ва БМБ бош мураббийлари қандай фикр билдирди? (тўлиқ матбуот анжумани)  1 18:43"Реал" дарвозабони клубни тарк этишга яқин  1 18:10ҚПЛ. "Турон" меҳмонда "Улитау"га мағлуб бўлди, меҳмонлар сафида уч ўзбекистонлик ҳаракат қилди  0

Суперлигани "ёндираётган" Рубин Хебай — тўпурарлар пойгаси, хориждан бўлаётган таклифлар ва вилоят ҳокими томонидан ваъда қилинган машина ҳақида Новости

Суперлигани "ёндираётган" Рубин Хебай — тўпурарлар пойгаси, хориждан бўлаётган таклифлар ва вилоят ҳокими томонидан ваъда қилинган машина ҳақида

Жорий мавсум Суперлига баҳсларида доирасида гол+пас тизими бўйича энг сермаҳсул футболчи ҳисобланган Рубин Хебай, сайтимиз журналисти Абдулвосит Бектемировга интервью берди.

- "Андижон" жамоасига ўтишингиздан олдин Ўзбекистон чемпионати ҳақида билармидингиз?

- Ҳа, Суперлигага келишимдан олдин ҳам Ўзбекистон чемпионати ҳақида эшитганман. Мен таклиф келганда рози бўлдим, Ўзбекистон менинг фаолиятимдаги яхши "трамплин" бўла олади.

- Жамоага ва янги чемпионатга мослашиб кетиш қандай кечди?

- Тўғриси чемпионатнинг биринчи баҳсларида бироз қийин бўлди. "Сурхон"га қарши кечган учрашувда ҳакам билан муаммо бўлди ва қизил карточка олдим. Ҳакам мени тушунмагани сабаб ўша вазиятда мени майдондан четлатган эди. Биринчи турда 10 дақиқа ўйнаган эдим, кейин эса қизил карточка ва иккита ўйинни ўтказиб юбордим. Чемпионат ўйинларига мослашиб кетишим учун бироз вақт керак бўлди.

- "Андижон" жамоаси мавсумни қандай ўтказмоқда? Умуман мавсум жамоа учун қандай кечмоқда?

- Менинг фикримча "Андижон" жамоаси жорий мавсумдаги "сюрприз" жамоалардан бири. Мен клубга энди қўшилган вақтларим, кўпчилик "Андижон"ни ўртамиёна ва лигада жон сақлаш учун курашадиган клублар қаторида дейишганди. Ҳозир турнир жадвалида анча баланд ўриндамиз ва биз натижамизни янада яхшилай оламиз.

- Мавсум якунида нечта гол урсангиз ўзингиздан қониқасиз. Масалан 15та ёки 20та?

- Мен ҳар доим ҳар бир учрашувда гол уришга ҳаракат қиламан ва бу менинг ишим. Менинг асосий мақсадимиз "Андижон"га фойда келтириш.

- Драган Черан тўрт мавсумдан буён Суперлигада энг яхши тўпурар бўлиб келмоқда. Жорий мавсум сиз Драганга асосий рақобатчисиз. Тўпурарлар пойгасида Черани қўвиб ўта оласизми?

- Драган билан дўстмиз. Мен Серб тилини биламан ва у билан кўп гаплашамиз. Мен Черандан кўп нарса ўргандим ва ҳали ҳамон ундан ўрганаман. У Ўзбекистонда афсонавий футболчи ҳисобланади, мен эса унга ўхшашга ҳаракат қиламан. У жуда тажрибали ва жуда ақлии футболчи.

- Суперлигада яхши маҳаллий ҳужумчилар жуда кам деб ўйлайсизми? Чемпионатимиздаги тўпурарларнинг деярли барчаси ҳорижлик футболчилар.

- Мен бундай ўйламайман. Ҳар бир ҳужумчи гол уришни билади, лекин ҳужумчиларнинг майдонда бажарадиган вазифаси тактикага боғлиқ. Ҳа, ҳозирча энг кўп гол ураётган ҳужумчиларнинг барчаси легионерлар. Мен ҳеч кимни рақобатдош сифатида кўрмайман, улар менинг дўсталрим. Мен ўзимга ўзим энг катта рақобатчиман. Терма жамоангизда Элдор Шомуродов бор ва у Италияда тўп тепади. Бу Ўзбекистонда яхши ҳужумчилар борлигидан дарак беради.

- "Олимпик"на қарши кечган учрашувдан сўнг. Андижон вилоят ҳокими сизга машина ваъда қилди. Сиз ўзингиз истаган машина русумини танладингизми?

- Мен унга хоҳлаган машинанингизни совға қилаверинг дедим. Сабаби бу совға ва мен уни танламайман. У нимани истаса мен қабул қиламан, чунки бу совға. Мен унга раҳмат айтдим, сабаби бу нарса шартномамда йўқ эди. У ўзи истаган ҳолда мени тақдирлади. Суҳбат жараёнида у мени табриклади ва мухлисларни хурсанд қилишда давом этишимни илтимос қилди.

- Ёзги трансферлар ойнасида сизга ҳориж клубларидан таклиф бўлдими?

- Ҳа, таклифлар бўлди. Лекин мен ҳозир "Андижон"даман ва бор эътиборимни жамоамнинг натижаларини яхшилашга қаратганман. кимдур таклиф билан чиқса марҳамат менинг агентим билан гаплашсин. Мен эса ҳозирча бандман. Амалдаги шартномам бор.

- Иккинчи даврадан сўнг, турнир жадвалидаги нечинчи ўрин "Андижон" учун қониқарли бўлади?

- Бизнинг мақсадимиз энг яхши натижани қайд этиш. Ҳозир биз турнир жадвалининг марказидамиз. Муҳими бизда босим йўқ ва биз бемалол натижаларимизни яхшилай оламиз. Мавсум якунланганида эса, жамоанинг натижаларига баҳо бера оламиз.

- "Андижон" жамоасининг футболчиларнинг ойликларичи бўйича қарздор деган ҳабар эшитдим? Клуб футболчиларга икки ойлик маош қарздор экан. Бу тўғри маълумотми?

- Мен жамоанинг муаммолари ҳақида гапиришни истамайман. Жамоа бир оила. Оила ичидаги муаммоларни ташқарига олиб чиқиш нотўғри. "Андижон" менинг оилам ва мен оиламдаги муаммоларни ўзимнинг шаҳсий муаммоларимдек қабул қиламан ва уларни ҳеч кимга айтмайман.

- Мавсум якунида сизга яна таклифлар бўлиши аниқ. Ўзбекистонда қолиш ниятингиз борми? Келажагингиз ҳақида нималар дея оласиз?

- Мен ҳозир "Андижон"даман ва асосий мақсадим жамоага ёрдам бериш. Таклифлар бўлса, мен биринчи навбатда "Андижон" раҳбарияти билан гаплашаман. Мен бу ерда бахтлиман ва ўзимни яхши ҳис қилмоқдаман. Мавсум якунида эса агентим билан маслаҳатлашаман ва таклифларни кўриб чиқаман. Унга қадар эса мен кўпроқ гол уришим ва жамоамга фойда келтиришим керак.

Рейтинг: +30   

Комментарии

championat.asia
< посмотреть последние новости
Яндекс.Метрика