Суперлигадаги бўлиниш ва “олтин очко” қоидаси ишга тушганда вазият қандай бўлади?
01 апр 2018 12:05
Новости

Суперлигадаги бўлиниш ва “олтин очко” қоидаси ишга тушганда вазият қандай бўлади?

Ўзбекистон Суперлигасининг янги формати ким учундир тушунарли, кимгадир йўқ. Чемпионатда 4 та тур якунига етганидан келиб чиқиб, энди ҳар турдан кейинги ҳолатни тасаввур қилиб боришимиз мумкин бўлади.

Регламентга кўра, 22-турдан кейин жамоалар 2 та гуруҳга бўлинади. Дастлабки 6 жамоа чемпионлик учун кураш олиб боради, кейинги 6 таси жон сақлаб қолиш учун. Бунда “олтин очко” қоидаси ишга тушади. Яъни, ҳар бир жамоа ўзининг йўлидаги рақибларига қарши ўйинлари натижасини сақлаб қолади. Ўзга гуруҳдаги жамоаларга қарши ўйинлар натижаси эса 0 га тенглаштириб юборилади. Бу ўткинчи ўйинлар бўлмаслигини таъминлаш учун қилинган иш.

Ҳозирги ҳолатда дастлабки 6 ўринни эгаллаб турган жамоаларни алоҳида ажратиб чиқсак, шундай манзара гувоҳи бўламиз. “Бунёдкор” чемпионлик учун курашда бўлганлардан фақатгина “Пахтакор”ни таслим қилган. Қолган жамоалар билан эса тўқнаш келмаган. Шунга қарамай, ҳозирча энг яхши натижа унга тегишли.

Чемпионлик йўлида

Бунёдкор 1 1 0 0 1:0 3

Қўқон-1912 2 1 0 1 1:1 3

Металлург 2 0 2 0 1:1 2

Насаф 1 0 1 0 1:1 1

Навбаҳор 2 0 1 1 0:1 1

Пахтакор 1 0 0 1 0:1 0

Кетма-кет икки йиллик чемпиони “Локомотив” олтиликда бормаяпти. Демак, айни ҳолатга кўра, у жон сақлаб қолувчилар билан бир гуруҳда қолади. Бироқ ўша жамоаларнинг ўзаро ўйинлари бўйича ҳам “темирйўлчилар” энг яхшиси эмас. “Сўғдиёна” эса бу борада яққол аутсайдер ҳисобланади.

Жон сақлаш йўлида

Бухоро 1 1 0 0 3:0 3

Локомотив 2 1 0 1 3:1 3

АГМК 1 1 0 0 1:0 3

Қизилқум 2 1 0 1 3:4 3

Нефтчи 1 0 1 0 0:0 1

Сўғдиёна 3 0 1 2 1:6 1

P.S. Қуйида айни вақтдаги турнир жадвали акс этган. Келаси тур натижаларидан кейин юқоридаги жадваллар жуда катта ўзгаришга юз тутади. Биз якуний хулосага фақатгина 22-турдан кейингина келишимиз мумкин бўлади.