Суперлига клублари январь ойида қачондан, қаерда йиғин ўтказишади?
03 янв 2020 13:01
Новости

Суперлига клублари январь ойида қачондан, қаерда йиғин ўтказишади?

2020 йилги Суперлига баҳслари старт олишига 2 ойдан кам вақт қолди.

Янги йил байрамини ўтказиб олган клубларимиз шу кунларда йиғинларни бошлашади.

Осиё чемпионлар лигасида юртимиз шарафини ҳимоя қиладиган уч клубимиз январь ойида БААда йиғин ўтказишади. "Пахтакор" қисқа муддат Тошкентда машғулот ўтказади ва кейин хорижга йўл олади.

"Насаф", "Машъал", "Бухоро" ва "Навбаҳор" клублари бу йилдаги илк йиғинни ўз қароргоҳларида ўтказишади.

"Сўғдиёна", "Сурхон", АГМК ва "Қўқон-1912" эса пойтахтда йиғин бошлашади. "Андижон" икки кун ўз қароргоҳида шуғулланади ва Янгиерга йўл олади. Бекободнинг "Металлург" клуби Чирчиқда тайёргарликни олиб боради.

Фақатгина Навоийнинг "Қизилқум" клубининг режалари ҳақида аниқ маълумот олишнинг имкони бўлмади. Бош мураббий Ҳамиджон Актамов билан боғлана олмадик.

№	Жамоалар номи	Йиғин бошланиш санаси	Йиғин ўтказиладиган жой
1	Пахтакор	3-13 январь 15-30 январь	Тошкент БАА - Абу Даби
2	Бунёдкор	6-17 январь	БАА - Ал Айн
3	Локомотив	3-15 январь	БАА - Абу Даби
4	Сўғдиёна	5 январь	Тошкент
5	Металлург	4 январь	Чирчиқ
6	Сурхон	6 январь	Тошкент
7	Насаф	3 январь	Қарши
8	АГМК	3 январь	Тошкент
9	Навбаҳор	7 январь	Наманган
10	Андижон	4-6 январь 6-18 январь	Андижон Янгиер
11	Қўқон-1912	4 январь	Тошкент
12	Бухоро	5 январь	Бухоро
13	Қизилқум	аниқ эмас	аниқ эмас
14	Машъал	5 январь	Муборак