Суперлига. Бугун "Локомотив"да Тошкент дербиси, "Металлург" Наманганда, "Қўқон-1912" Термизда меҳмон

СУРХОН – ҚЎҚОН-1912
19 октябрь 2020 йил. Термиз. "Сурхон" стадиони. 16:00
Ҳакамлар: Илгиз Танташев, Ҳусниддин Шодмонов, Шавкат Раҳматов, Аҳмаджон Эргашев
Назоратчи: Рашид Айтеков
Комиссар: Ойбек Юнусов

Бу икки жамоа Ўзбекистон чемпионатида ҳозирга қадар 19 марта тўқнаш келишган. Натижалар мутлақо тенг: 9 бор "Қўқон-1912", 9 марта "Сурхон" ғолиб бўлган. Битта учрашувда дуранг қайд этилган. Қизиғи ўзаро ўйинларда иккала жамоа ҳам 32тадан гол урган.

"Сурхон" майдонида ўтган 9та ўйиннинг иккитасида "Қўқон-1912" ғалабага эришган. Сўнгги бор қўқонликлар 1999 йилги мавсумда сафарда бу жамоани мағлуб этишган.

Биринчи даврада Қўқонда ўтган баҳсда Бахтиёр Ашурматов шогирдлари 3:0 ҳисобида ғалаба қозонишган.

ЛОКОМОТИВ – БУНЁДКОР
19 октябрь 2020 йил. Тошкент. "Локомотив" стадиони. 18:00 ("Спорт ТВ" LIVE)
Ҳакамлар: Фирдавс Норсафаров, Олим Абдувосилов, Руслан Серазитдинов, Илья Илин
Назоратчи: Владислав Цейтлин
Комиссар: Лазиз Қўчқоров

Тошкентнинг бу икки жамоаси Ўзбекистон чемпионатида ҳозиргача 27 марта ўзаро ўйин ўтказган. Кичик устунлик "қалдирғочлар" томонида. 10та баҳсда "Бунёдкор" зафар қучган, 9та учрашувда "темирйўлчилар"нинг қўли баланд келган. Яна 8та ўйинда дуранг қайд этилган. Ўзаро ўйинларда "Бунёдкор" 36та, "Локомотив" 32та гол урган.

Ўзаро охирги 4та ўйинда "Локомотив" бу рақибни умуман мағлуб эта олмаган - 3та дуранг, 1та мағлубият.

Агар фақат "Локомотив" мезбон бўлган ўйинларни ҳисобга олсак, охирги олти ўйинда "Бунёдкор" сафарда ғалаба қозона олмаган - 2та дуранг, 4та мағлубият. Сўнгги бор "Локомотив" бу жамоага ўз майдонида 2014 йилги мавсумда мағлуб бўлган.

Биринчи даврада "Бунёдкор" мезбонлиги остида ўтган баҳсда Вадим Абрамов жамоаси 2:0 ҳисобида ғолиб бўлган.

НАВБАҲОР – МЕТАЛЛУРГ
19 октябрь 2020 йил. Наманган. "Марказий" стадион. 18:00 ("Дунё бўйлаб" LIVE)
Ҳакамлар: Жасур Мухторов, Абдуҳамидулло Расулов, Александр Сидоров, Тўрабек Суюнов
Назоратчи: Маъмур Саидқосимов
Комиссар: Бекзод Арипов.

Бу икки клуб ўзаро 47та ўйин ўтказишган. Устунлик водий клуби томонида. "Навбаҳор" 21та учрашувда ғолиб бўлган. 13та баҳсда "Металлург" 3 очко эгасига айланган. Қолган 13та ўйинда дуранг кузатилган. Ўзаро ўйинларда "Навбаҳор" 68та гол урган, "Металлург" ҳисобида 48та гол мавжуд.

"Навбаҳор" ўз майдонидаги охирги 4та ўйинда "Металлург"га умуман ютқазмаган - 2та ғалаба, 2та дуранг. Сўнгги икки мавсум Наманганда бу жамоалар ўртасидаги иккала ўйинда ҳам 0:0 ҳисобида қайд этилган. "Металлург" фақат бир марта 2016 йилги мавсумда Намангандан ғалаба билан қайтган.

Биринчи даврада Бекободда ўтган баҳсда "Навбаҳор" 3:1 ҳисобида ғалаба қозонган эди.