Суперлига. 18-тур лауреатлари

Championat.asia тур баҳслари асосида тур лауреатларини аниқлади.

"Навбаҳор" клуби бу тур Тошкентда "Пахтакор"га қарши ўйнади ва 0:0 ҳисобида дуранг қайд этди. Наманган клуби ўзининг принципиал рақибларидан биридан сафарда очко олишга эришди. Шу боис Виктор Жалилов championat.asia сайти талқинига кўра 18-турнинг энг яхши мураббийи деб топилди.

"Лочинлар"нинг "Пахтакор" билан дуранг ўйнашида дарвозабон Ўткир Юсуповнинг хизмати катта бўлди. У баҳс давомида жамоасини бир неча бор муқаррар голлардан сақлаб қолди. Шу боис Championat.asia сайти талқинига кўра, 18-турнинг энг яхши дарвозабони Ўткир Юсупов бўлди.  

Бу турда АГМК клуби ярим ҳимоячиси Миржамол Қосимов "Турон" билан баҳсда бурчак тўпидан гол урди ва тур голи муаллифига айланди. 

АГМК ўз уйида "Турон"ни 2:0 ҳисобида мағлуб этди. Шу куни олмалиқликлар сафида Миржамол Қосимов чиройли гол уришдан ташқари голли узатмани ҳам амалга оширди. Шу тариқа, Миржамол Қосимов championat.asia талқинига кўра 18-турнинг энг яхши футболчиси деб топилди.

Ўзбекистон чемпионати турнир жадвали >>>>> Суперлига