Суперкомпьютер Бундеслига фаворитларини аниқлади. "Бавария" билан қайси жамоа рақобатлашади?

Мюнхен клубининг чемпионликни қўлга киритиш эҳтимоли 52,9%. Бу Бундеслиганинг барча жамоалари орасидаги энг яхши кўрсаткичдир.

"Бавария"нинг миллий чемпионатдаги асосий рақиби "Байер" бўлиб, "фармацевтлар"нинг ғалаба қозониш эҳтимоли 16,9% ни ташкил қилади.

Дортмунднинг "Боруссия" жамоаси ҳам якуний ғалабага 15,8 фоизлик эҳтимол билан мавсум фаворитлари учлигидан жой олди. Бошқа барча жамоаларнинг чемпионликка эришиш имконияти 5% дан кам.

Кучли тўртликка асосий даъвогарлар "Бавария" (91,6%), "Байер" (69,5%), "Боруссия" (68%), "Айнтрахт" (36,4%), "Штутгарт" (28,7%) ва "Лейпциг" (27,4%).