Сульшер "Уотфорд"дан учралган мағлубият ҳақида: "Биз ёмон аҳволдамиз. Аммо, бу футболнинг бир қисми"

Ушбу мағлубиятдан сўнг, "қизил иблислар" бош мураббийи ўз фикрлари билан ўртоқлашди.

"Ижобий реакция жуда кеч келди. Иккинчи таймдаги қизил карточкагача яхши ўйнаётган эдик. Биз энг ёмон биринчи таймни ўтказдик. Нега бундай бўлганини изоҳлаш жуда қийин. Примьер лигада ўйнаганимиз учун жуда кучли рақибларга қарши ўйнашга тўғри келади. Ўйинчилар ҳозир жуда қўрқинчли психологик ҳолатдалар. Биз ўзимизни ва мухлисларни қаттиқ ҳафа қилдик. Бу ерда туриб буларни тушунтиришга ҳаракат қилиш қийин. Аммо, биз буни қабул қилишимиз лозим. "Уотфорд"нинг голларига қарайдиган бўлсак, улар бизни якка курашларда енгишди. Вазиятларда биздан яхшироқ ҳаракат қилишди.

Истеъфо? Мен клуб структурасида 18 ёшимдан бери фаолият олиб бораман. Клуб ва мен ўртамизда муносабат ўрнатилган. Агар рахбарият бирор нарса қилмоқчи бўлса, бу мен ва улар орасида бўлади. Сизлар билан эмас. Натижа ёмон буни биламан. Аммо, бу футболнинг бир қисми. Ўзимни босим остида қолгандек ҳис қилмоқдаман", -дейди Оле Гуннар-Сульшер.