Сульшер: "Ўтган сафар Парижда ютганимиздан кейин эйфорияга берилиб кетгандик"
21 окт 2020 02:52
Новости

Сульшер: "Ўтган сафар Парижда ютганимиздан кейин эйфорияга берилиб кетгандик"

"Манчестер Юнайтед" бош мураббийи Оле-Гуннар Сульшер ЕЧЛ 1-тури доирасида ПСЖ устидан қозонилган ғалабадан кейинги фикрлари билан ўртоқлашди.

"Ёдимда, ўтган сафар Парижда ютганимиздан кейин эйфорияга берилиб кетгандик ва кетма-кет мағлубиятлар кузатилганди. Шу боисдан хотиржамликка берилмаймиз. Бизга камида 10 очко керак.
Ҳимояда муаммолар бор эди. Эрик Байи 2-3 ҳафтага сафдан чиқди. Шу сабабли Туанзебени синаб кўрдик. Ёмон эмас. Унда барчаси ўхшади. Умуман олганда, Неймар ёки Мбаппеси бор жамоаларга қарши ўйинларда дарвозабонлар ва ҳимоячилардан кўпроқ сейвлар талаб қилинади. Аксел бўлажак топ-ҳимоячи, кўриб турибсизки, сўнгги 10 ой ичида илк марта ўйинга тушса ҳам профессионаллигини кўрсата олди.
Скоттида ҳам муаммо бор эди. У ўйинни линзалар билан бошлаганди, бироқ ўйин пайтида линзаларни йўқотиб қўйди. Лекин бу унга муаммо бўлмади. Бруну эса икки марта пенальтида адашган бўлса-да, бизнинг асосий пенальтичимиз бўлиб қолади", - деди Сульшер.

Ссылка :

Источник : Goal

Получайте новости прямо в Telegram!

Рейтинг: +11