Стерлинг: "Манчестер Сити" бундай футболчилар билан Чемпионлар лигаси финалига чиқиши мумкин"

Бугун "шаҳараликлар" "Динамо"га қарши турнирнинг 1/8 финал жавоб учрашувида майдонга тушади. Илк ўйинда инглизлар 3:1 ҳисобида ғалаба қозонган эди.

"Ҳозирда жамоамиз сафида тўп тепаётган футболчилар билан Чемпионлар лигаси финалига чиқа оламиз. Бизда керакли барча жиҳат бор, шу сабабли ўтиб бўлмас тўсиқларни кўрмаяпман. Ҳар бир позицияда икки нафардан яхши футболчи мавжуд ва мураббий танловда қийналади. Баъзи футболчиларда жароҳат бор. Баҳона қидирмаяпман, аммо бу жамоа учун салбий холат эканлигини тан олишимиз лозим.

Мавсумнинг муҳим босқичларида биз асосий футболчиларимиздан айрилдик, аммо чорак финалда тўхтаб қолмай, Чемпионлар лигасидаги юришимизни давом эттирмоқчимиз. Финалда ғалаба учун курашамиз деган умиддаман. Айнан шу сабаб туфайли "Манчестер Сити"га ўтдим.

"Динамо" - кучли рақиб ва улар учрашувни биз учун оғирлаштиришади. Аммо жамоамиз баҳсни сабрсизлик билан кутмоқда" - дейди Стерлинг.