Стефано Пиоли: "Тоттенхэм" мени ҳайрон қолдирмади"

"Аслида бу Англия клублари учун ғалати бўлиши керак, чунки жамоа сафардаги ўйинларидан кўра ўз майдонидаги баҳсларида пастроқ натижалар қайд этмоқда.

Уларнинг барча уй ўйинларини тахлил қилиб чиқдик. Улар биринчи ўйиндагидан кўра агрессивроқ ва кучлироқ ўйнаши мумкин. Бироқ уларни яхши билиб олдим, шу сабабли унчалик ҳайрон қолмадим.

Албатта, ўйиннинг қандай боришини олдиндан тахмин қилиб бўлмайди. Биринчи ўйинда биз адолатли тарзда ғалабага эришдик. Унда рақибдан кўра яхшироқ ўйин кўрсатдик ҳам.

Энди буни эртага ҳам такрорлашга ҳаракат қиламиз. Ҳозирча иккала жамоада ҳам навбатдаги босқич учун етарли имконият бор", - деди Пиоли.