Спаллетти: "Интер"га иккинчи голни ҳам ура олардик"

"Ўйинда ғалабага эришиш учун жамоа ўзининг ўйинини кўрсатиши керак. Бизда бундай бўлмади ва гол ўтказиб юбордик. Шундан кейин ишимиз қийинлашди. Ўйинни яхшилаш, ривожлантириш учун шундай ўйинларда барча футболчилар ўзини кўрсатиши керак.

Умумий олганда ёмон ўйнамадик. Иккинчи голни уриш учун жуда кўп вазият бўлди. Гол урсангиз ўйинни назорат қиласиз. Якунда "Интер" ўзининг жисмоний кучлилигидан фойдаланди. Шундай ўйинлар орқали биз ўсяпмиз, тажриба оляпмиз.

Ўйиндан қониқдим. Футболчилар ҳам кийим алмаштириш хонасида ўзларини тўлиқлигича очиб бера олмаганини айтишди. Шу сабабли шундай рақибга қарши ўйиндаги натижа ҳам қониқарли бўлди", - деди Спаллетти.