Сон Хён Мин: "Япония ёки Саудия Арабистони? Мусобақада ғалаба қозонмоқчи бўлсангиз, исталган рақибга тайёр бўлишингиз керак"

Маълумот учун, Корея Республикаси Осиё кубоги иккинчи турида Иордания билан жанговар (2:2) дуранг ўйнади. Ўйиндан кейин Корея Республикаси терма жамоаси сардори Сон Хён Мин ОАВ вакилларига интервью берди. Улар орасида Championat.asia журналистлари ҳам бор эди. Сон ўйин ҳақида гапирар экан, ўз ҳаракатларидан қониқмаганини ва кейинги босқичдаги рақиб ким бўлиши унчалик ҳам аҳамиятга эга эмаслигини билдирди.

- Бугун мусобақадги илк голингизни киритдингиз. Бундан қанчалик мамнунсиз?

- Унчалик ҳам мамнун эмасман. Тўғри, гол киритдим. Бироқ, терма жамоамиз бугун ғалаба қозона олмади. Ҳаракат қилишда давом этамиз.

- Бугун кўрсатган ўйинингдан қониқдингизми?

- Йўқ, умуман қониқмадим.

- Корея Республикаси айни дамдаги ҳолатга кўра Саудия Арабистони ёки Япония билан тўқнаш келиши мумкин. Бу ҳақида фикрингиз қандай?

 - Буни умуман фарқи йўқ. Агар сиз турнирда ғалаба қозонмоқчи бўлсангиз, исталган рақиб билан тўқнаш келишга тайёр бўлишингиз керак. Олдинда яна бир ўйин бор. Плей-офф ҳақида ушбу учрашувдан кейин ўйлаймиз. Келажак қандай бўлишини ҳеч қачон била олмайсиз. 

- Иорданияга қарши учрашув бу қадар қийин бўлишини таҳмин қилганмидингиз?

- Албатта. Кўпчилик бу ўйин осон бўлиши ҳақида гапирганди, аммо кўриб турганингиздек, Осиё кубогида бирорта ҳам осон ўйин бўлмайди. Жисмонан ва руҳан ўйинга тайёр бўлмасангиз натижа сиз ўйлагандек бўлмайди, жабр чекиб қолишингиз мумкин. Бугун шунинг яққол мисолини кўрдик. Жамоа сифатида Иорданияга қарши ўйинда кўп нарса ўргандик. Яхшиямки, бу ҳолат гуруҳ босқичида юз берди. Бизда вазиятни ўнглаш имконияти етарли.

Ж.И