"Сўғдиёна" ёзги "қайноқ" трансферларни бошлади: "Насаф" футболчиси билан келишувга эришилди

Жасур Ҳасановга "Сўғдиёна" томонидан жиддий қизиқиш бўлаётгани ҳақида айтилганди. Жиззахликлар трансфер ойнаси очилиши арафасида Жасур Ҳасанов билан музокаралар олиб борилган ва оғзаки келишувга эришилган. "Сўғдиёна" футболчини трансфер ойнаси очилганидан сўнг расман рўйхатдан ўтказиши мумкин.

"Насаф" билан амалда йил якунига қадар шартномаси мавжуд бўлган Ҳасанов жамоани эркин агент сифатида тарк этдими ёки трансфер учун жиззахликлар "Насаф"га қанчадир миқдорда пул ўтказиб беришадими, ҳозирча бу номаълум.

"Насаф"даги молиявий муаммолар туфайли футболчилар маошларини ўз вақтида олишмаётгани учун ҳам футболчилар жамоани эркин агент сифатида тарк этишлари мумкин.

Эслатиб ўтамиз, анча аввал "Насаф"нинг бир қатор футболчиларига "Сўғдиёна" тарафидан жиддий қизиқиш бўлаётгани ҳақида хабар бергандик. Хусусан, жиззахликлар "Насаф"нинг яна бир қатор легионерлари ва асли маҳаллий футболчиларга ҳам қизиқишаётганди. Яқин орада "Сўғдиёна" таркиби яна "Насаф" футболчилари билан кучайиши мумкин.