Симеоне: "Қиммат стадион ва 126 миллионлик ўйинчи билан бизни халқ жамоаси дейиш қийин"
27 авг 2019 15:02
Новости

Симеоне: "Қиммат стадион ва 126 миллионлик ўйинчи билан бизни халқ жамоаси дейиш қийин"

"Атлетико" бош мураббийи Диего Симеоне жамоанинг обрўси ҳақида гапирди.

"Албатта, бундай қиммат стадион ва 126 миллионлик ўйинчи билан бизни халқ жамоаси дейиш қийин.

Аммо биз ва жамоамиз ижтимоий ва руҳий жиҳатдан олдингидай бўлиб қоламиз. Бизнинг қадриятларимиз ҳеч қачон ўзгармайди. Биз халқ жамоасимиз", - дейди Симеоне.

Эслатиб ўтамиз, 67 минг ўринга мўлжалланган "Ванда Метрополитано" стадионининг қурилиши учун 240 миллион евро пул кетган. Жоау Феликснинг "матрасчилар" сафига ўтиши учун 126 миллион евро керак бўлди.