Симеоне: "Гризманнга дунёнинг энг яхши клублари қизиқаётганидан хурсандман"
01 авг 2017 20:58
Новости

Симеоне: "Гризманнга дунёнинг энг яхши клублари қизиқаётганидан хурсандман"

"Атлетико" бош мураббийи Диего Симеоне дунёнинг энг кучли клублари унинг шогирдига қизиқиш билдираётганидан мамнун.

Антуан Гризманнга топ-клублар томонидан билдирилаётган қизиқишлар "матрасчилар" устозини мамнун қилмоқда.

Ёз бошида француз "Манчестер Юнайтед"га ўтишга жуда яқин келган эди, яқиндагина эса "Marca" нашри Антуан "Барселона"да Неймарнинг ўрнини эгаллаши мумкинлигини ёзди.

"Бундай қизиқишлар мени қўрқитмайди. Аксинча, дунёнинг энг кучли клублари бизнинг ўйинчиларга қизиқиш билдираётгани хурсанд қилади.

Бу жиҳат улар ҳақида, биз ва бизнинг ишимиз ҳақида кўп нарсаларни айтиб турибди ва бу мени қувонтиради. Шунга қарамай, клуб бундай даражадаги ўйинчиларни олиб қолиш учун барча ишни қилади", - деди Симеоне.

Ўтган мавсум 26 ёшли Гризманн "Атлетико" таркибида 53та ўйин ўтказиб, 26та гол урди ва 10та голли пас берди.