Симеоне Феликс нега ўйнамаётганига ойдинлик киритди
15 окт 2022 11:07
Новости

Симеоне Феликс нега ўйнамаётганига ойдинлик киритди

"Атлетико" бош мураббийи Диего Симеоне сўнгги пайтларда камдан-кам майдонга тушаётган ва клубини ўзгартириш ҳақида ўйлаётган португалиялик ҳужумчи Жоау Феликс ҳақида фикрлари билан ўртоқлашди.

"Тўғрисини айтаман. Корреа, Феликс, Гризманн, Мората, Кунья билан ғалаба қозонишни истайман. Бу ҳақиқат. Айни пайтда Жоаунинг ўйин савияси тушиб кетган, шунинг учун майдонга бошқа ўйинчилар тушишмоқда. Феликсни ҳамма қатори кўраман. Қачон формага кирса ўйнайди. У ўз устида ишлаши керак", – деди Симеоне.

22 ёшли Феликс жорий мавсум "Атлетико" таркибида 11 та ўйинда майдонга тушди ва 3 та голли узатмани амалга оширди. Унинг клуб билан келишуви 2026 йилнинг ёзига қадар мўлжалланган.

Ссылка :

Источник : Marca

Получайте новости прямо в Telegram!

Рейтинг: +5