Силва "Ливерпуль"дан учралган мағлубиятдан сўнг "Эвертон" футболчилари билан хайрлашди
05 дек 2019 12:20
Новости

Силва "Ливерпуль"дан учралган мағлубиятдан сўнг "Эвертон" футболчилари билан хайрлашди

"Эвертон" бош мураббийи Марку Силва Англия чемпионати доирасида "Ливерпуль" (2:5)га қарши ўйиндаги мағлубиятдан сўнг катта эҳтимол билан ўз лавозимини тарк этади.

Хабар қилинишича, учрашувдан кейин португалиялик мутахассис ечиниш хонасида "Эвертон" футболчилари билан хайрлашди. Шу билан бирга, Силванинг ўзи ҳам ишдан бўшаши мумкинлиги ҳақидаги саволга жавоб беришдан бош тортди.

"Бу савол мен учун эмас, балки бошқа одамлар учун. Хатоларимиз туфайли катта босим остида қолмоқдамиз", - дейди мураббий.

"Ливерпуль"дан учралган мағлубият туфайли "Эвертон" турнир жадвалида пастки ўринларга тушиб кетди. "Кўклар" 15 турда атиги 14 очко тўплашди ва жадвалда фақат "Норвич" (11 очко) ва "Уотфорд" (8 очко)дан олдиндалар.

Силва "Эвертон"ни 2018 йилнинг ёзидан бери бошқариб келади. Ўтган мавсумда клуб унинг бошчилигида Премьер-лигада саккизинчи ўринни эгаллаган эди.

Ссылка :

Источник : The Mirror

Получайте новости прямо в Telegram!

Рейтинг: -8