Швейцария чемпионати ҳам коронавирус сабаб тўхтатилди

Футбол бўйича Швейцария чемпионати камида 15 мартга тўхтатилди. Бунга сабаб — коронавирус. Ушбу қарор мамлакат 2 та олий дивизионининг 20 та жамоаси томонидан қабул қилинган. 24-турнинг барча учрашуви камида 15 мартга қадар ўтказилмайдиган бўлди. Эслатиб ўтамиз, Швейцария ҳукумати 15 марта қадар 1000 кишидан ортиқ иштирок этадиган барча тадбирларни бекор қилди ва уларнинг ўтказилишини тақиқлади.

Маълумот учун, коронавирус билан бутун дунё бўйлаб 89 минг киши касалланди ва 3060 киши вафот этди.