Шуҳрат Мақсудов: "Нефтчи" - "Пахтакор" баҳсини кўриш учун Фарғонага бораман

Миллий терма жамоамиз мураббийлар штабида фаолият юритиб келаётган Шуҳрат Мақсудов илгари бу жамоаларнинг беллашувларида иштирок этганини инобатга олиб, у киши билан ҳам боғландик.

"Нефтчи" - "Пахтакор" баҳси ҳақиқатдан ҳам жуда қизиқарли руҳда ўтади деб ўйлайман. Турнинг марказий ўйинларидан бири. Бу учрашувни бевосита стадионда кўриш учун бугун тушда Фарғона томон сафарга чиқаман", - дейди Мақсудов.

Ҳар иккала жамоа таркибида ҳам миллий терма жамоага номзод ўйинчилар бор. Уларнинг бугунги холати билан яқиндан танишиш учун ҳам бу учрашувга боришни маъқул деб топдим.

"Нефтчи" охирги икки турда муваффақиятсизликка учради. Қолаверса фарғоналиклар бугун ўз мухлислари қаршисида ўйнайди. Албатта истайсизми йўқми босим бўлади. "Пахтакор" эса тан олиш керак, тажриба борасида юқорироқ. Ўйлайманки бугун мухлислар жуда чиройли ҳужумкор баҳсга гувоҳ бўлади.

Умуман олганда чемпионатимизда кутилмаган натижалар тез-тез учраб турибди. Шунинг учун ҳам бирор-бир учрашувдан олдин натижани таҳмин қилиб бўлмайди.

Исломбек Рустамбеков ёзиб олди.