Шуҳрат Мақсудов: "Бунёдкор" мухлисларга чиройли ўйин ва ғалаба тақдим қилишни истайди"

"Аввало АГМК жамоаси мураббийи Хайрулла Каримовнинг оталари оламдан ўтгани боис ўз таъзиямни билдираман. Жойлари жаннатдан бўлсин. "Бунёдкор" аёллар жамоаси куни кеча Иорданияга йўл олишди. Уларга чин дилдин омад тилайман. Илоҳим, ғалаба билан ортга қайтишсин. Шу қатори "Насаф" жамоасига ҳам омад тилайман. Тўғри, Суперлигада рақиб, лекин ОФК кубогида бутун Ўзбекистон номидан кетишган. Бевосита ўйинга келадиган бўлсак, ҳар доимгидек, шиддатдли ўйин гувоҳига айландик. Ўйлайманки, ғалабага лойиқ эдик. "Қизилқум"га навбатдаги баҳсларда зафарлар тилаб қоламан", – дейди Шуҳрат Мақсудов. 

- "Бунёдкор" бу мавсум Тошкентдаги ўйинларда мағлубиятга учрагани йўқ. Навбатдаги икки ўйинда ғалаба қозона олса, уйда мағлубиятга учрамасдан, мавсумни тугатиши мумкин. Шу ҳақда фикрингиз қандай?

- Олдиндан бирор нарса дея олмайман. "Бунёдкор" жамоаси мухлисларга чиройли ўйин ва ғалаба тақдим қилишни истайди. Яна бир бор футболчиларимга миннатдорчилик билдираман. Ҳеч нарсага қарамай, охиригача курашганликлари учун раҳмат айтаман.