Шохруз Норхонов: “Ғалаба қозонишимиз учун 10 дақиқа етмади”
26 авг 2016 14:52
Новости

Шохруз Норхонов: “Ғалаба қозонишимиз учун 10 дақиқа етмади”

Кеча чемпионатимизнинг 20-турида “Обод” клуби ўз уйида Бекободнинг “Металлург” клубини қабул қилиб дуранг натижа қайд этди. Ушбу учрашувдан сўнг “Обод” клуби футболчиси Шохруз Норхонов ўз фикрлари билан ўртоқлашди.

“Металлург”га қарши жуда ҳам оғир ўйин бўлди. Бизга омад етишмади деб ўйлайман. Чунки, биринчи бўлимда яхши ўйин кўрсата олмадик. Иккинчи бўлимда эса умуман бошқача футбол намойиш этдик. Агарда, иккинчи бўлимдаги ўйинимизни биринчи бўлимда ҳам кўрсата олганимизда балки йирикрок ҳисобда ғалаба қозонган бўлармидик.

Иккинчи бўлим сўнгида “Металлург” устидан ғалаба қозонишимиз учун бизга 10 дақиқа етмади. Биринчи бўлимда майдонга тушмаганимнинг сабаби, терма жамоа йиғинидан клуб базасига ўйин куни етиб келдим. Бизда, ким ўйиндан олдинги машғулотларда иштирок этса ўша асосий таркибда майдонга тушади. Мен жамоам билан ўйинолди машғулотларида қатнашмадим. Шунинг учун ҳам биринчи бўлимда захирада қолдим. Лекин, иккинчи бўлимда мураббийимиз мени майдонга туширди ва жамоамга фойда келтирдим. Бундан хурсандман. Нима ҳам дердик бу футбол. Кейинги турда бизни “Бунёдкор”га қарши бунданда оғир бўлган учрашув кутиб турипти”, - дейди “Обод” клуби ҳужумчиси Шохруз Норхонов.

Жаҳонгир Сотволдиев

Ссылка :

Источник : championat.asia

Получайте новости прямо в Telegram!

Рейтинг: +4