Шота Арвеладзе ҳаммага раҳмат айтди
15 дек 2017 15:08
Новости

Шота Арвеладзе ҳаммага раҳмат айтди

"Пахтакор" расмий сайти ЎФФ томонидан “Ўзбек футболи ривожига ҳисса қўшаётган энг яхши чет эллик мураббий” номинацияда ғолиб бўлган жамоа бош мураббийи, грузиялик мутахассис Шота Арвеладзедан қисқа интервью олди.

Арвеладзе бу мукофотга биргина ўзи эмас, балки у билан ишлаётган барча инсонларнинг кўмаги остида эришганини алоҳида таъкидлаган.
Грузлиялик мутахассис мукофот учун барчага ўз раҳматини айтишни унутмади.

"Барчага мени қўллаб-қувватлашгани учун миннатдорчилик билдираман. Ҳаммага раҳмат айтаман. Бу мукофот фақат меники эмас, балки мен билан бирга меҳнат қилаётган инсонларга ҳам тегишли. Бунга ҳаммамиз биргаликда эришдик. Яна бир бор барчага раҳматимни билдираман".
(c) Шота Арвеладзе.

Эслатиб ўтамиз, кеча ЎФФ томонидан ўтказилган тақдирлаш маросимида Шота Арвеладзе иштирок этмади ва унга тегишли совринни "Пахтакор" клуби бош директори Дмитрий Адисман қабул қилиб олди.