"Шўртан" жамоасида янги легионерлар кўрикдан ўтишади

Бундан аввал хабар берганимиздек, яқин кунларда жамоамиз сафига “Олмалиқ” клубининг собиқ аъзоси, сербиялик ҳимоячи Дарко Станоевич ва туркманистонлик легионер футболчи, қанот ярим ҳимоясида ўйнайдиган Аманов Арсланмуротлар келиб қўшилиши кутилмоқда.

Дарко Станоевич мамлакатимиз футбол ишқибозларига таниш. Арсланмурат Аманов юртимиз футбол мухлисларига таниш эмас.

Ушбу футболчи 1990 йил 28 мартда Туркманистон Республикасининг Мари вилоятида таваллуд топган. У ўтган мавсумда Қозоғистоннинг Павлодар шаҳрининг “Иртыш” клубида тўп сурган. 24 марта майдонга тушиб, 1та гол муаллифи бўлган. Туркманситон миллий терма жамоаси аъзоси ва Туркманистон Олимпия терма жамоасида ҳам ўйнаган. У миллий терма жамоа сафида 19 марта майдонга тушиб, 6та гол урган.

Эслатиб ўтамиз, ушбу легионер ўтган йили “Олмалиқ” жамоаси кўригида ҳам бўлган.

Айни кунларда легионер футболчиларнинг виза масаласи ҳал бўлиш арафасида турибди. Ушбу масала ижобий амалга ошса, футболчилар келаси ҳафтадан жамоа сафига қўшиладилар ва жамоа кўригидан ўтишади.

Легионер футболчилар мураббийларга маъқул бўлса, клуб раҳбарияти улар билан шартнома тузишга тайёр.

Жамоа селекция ишлари давом этмоқда.