"Шўртан" "Бунёдкор" майдонида тарихий натижа қайд этди. Жамоа бу ишни илк бор уддалади
15 апр 2024 11:37
Новости

"Шўртан" "Бунёдкор" майдонида тарихий натижа қайд этди. Жамоа бу ишни илк бор уддалади

Кеча Ўзбекистон Кубоги гуруҳ босқичининг 1-тур учрашувлари давом эттирилди.

Ғузорнинг "Шўртан" жамоаси Тошкентда "Бунёдкор" майдонига сафар уюштирди. Тенг курашлар остида кечган ўйинда ҳисоб очилмади. Шу тариқа, "Шўртан" Кубокда тарихда илк бор "Бунёдкор"дан очко олди. Бунгача икки жамоа мамлакат кубогида 6 маротаба тўқнаш келган, уларнинг барчасида "қалдирғочлар" ғалаба қозонганди. "Бўрилар" эса "Бунёдкор" майдонида сўнгги бор чемпионат доирасида 2010 йил очко қўлга киритган. Ўшанда Денилсоннинг голига Зайниддин Тожиев жавоб қайтарганди (1:1).

Маълумот учун, "Бунёдкор" навбатдаги учрашувни 21 апрель куни ўз майдонида "Қизириқ" жамоасига қарши ўтказади. "Шўртан" эса "Жайхун" билан беллашади.

Ссылка :

Источник : Championat.asia

Получайте новости прямо в Telegram!

Рейтинг: +3