Шомуродов – "Ростов" ҳамда "Рубин" ўртасидаги учрашувнинг энг яхши футболчиси!
26 авг 2019 00:20
Новости

Шомуродов – "Ростов" ҳамда "Рубин" ўртасидаги учрашувнинг энг яхши футболчиси!

Бироз олдин РПЛ'нинг 7-тури доирасида якунига етган ўйинда «Ростов» Элдор Шомуродов ҳамда Александр Саплиновнинг голлари эвазига «Рубин» устидан иродали ғалабага (2:1) эришди.

Баҳсдан сўнг, мусобақа ташкилотчилари томонидан анъанавий тарзда ўйиннинг энг яхши футболчиси (man of the match) аниқланди ва ниҳоят мазкур совринни Ўзбекистон МТЖ форварди ҳам қўлга киритди. Элдор учрашув давомида жуда фаол тарзда ҳаракат қилиб, жамоасининг ғалабасига муносиб ҳисса қўшди.

Айтиш жоизки, Шомуродов бугун ўзининг чемпионатдаги 5-голини уришга эришди. Мусобақанинг тўпурарлари рўйхатида эса у ҳисобида 6та гол бўлган Александер Соболевдан (Крилья Советов) сўнг, иккинчи поғонада бормоқда. Шунингдек, 24 ёшли ҳужумчимиз ҳисобида битта самарали узатма ҳам бор.