RU

Последние новости

06:40Конференциялар лигаси. "Челси" сафарда "Юргорден" дарвозасига 4 та гол урди, "Бетис" эса "Фиорентина"ни мағлуб этди  3 06:30Европа лигаси. "Манчестер Юнайтед" сафарда "Атлетик" устидан йирик ҳисобда ғалаба қозонди, "Тоттенхем" эса "Буде-Глимт"ни мағлуб этди  33 02:10Конференциялар лигаси. "Челси" финал масаласини деярли ҳал қилди, "Бетис" "Фиорентина"ни кичик ҳисобда мағлуб этди  3 02:03Европа лигаси. "Манчестер Юнайтед" меҳмонда йирик ғалабага эришди, "Тоттенхэм" ҳам учта гол билан зафар қучди  3 01:50АПЛ. ЕЧЛ учун курашаётган "Ноттингем Форест" ўз уйида мағлубиятга учради  2 01:11Холанд қайтди  0 00:15Ана холос! "Интер"нинг энг муҳим футболчиси "Барселона"га қарши ўйнамайди  15 23:44"Реал" Модрич ва Васкес билан шартномани узайтиради  3 23:13Гёкереш "Манчестер Юнайтед"га ўтадими? Рубен Аморим жавоб берди  1 22:50Сеск Фабрегас фаолиятидаги энг яхши мураббийи ким эканлигини айтди  1 22:11Габриэль Агбонлахор: "Ямал мени қўрқитмоқда"  4 21:57Ямалнинг ёшида Месси ва Роналдунинг статистикаси қандай эди?  15 21:35"Реал" Модрич ва Васкес билан шартномани узайтиради, аммо жуда қисқа муддатга  3 21:32Илёс Зейтуллаев "Ювентус"нинг ўрнига қаерга бориши мумкин бўлганини айтиб берди  7 21:15УЕФА ЕЧЛ ҳафта рамзий терма жаомасини эълон қилди  8

Шоҳруз Норхонов: "Собиқ ҳужумчи Бақоевдан кўп нарса ўрганяпман" Новости

Шоҳруз Норхонов: "Собиқ ҳужумчи Бақоевдан кўп нарса ўрганяпман"

Суперлиганинг 10-турида "Сўғдиёна" ўз майдонида "Бухоро"ни қабул қилиб 2:0 ҳисобида ғалаба қозонди.

Ушбу ўйинда мезбонлар ҳужумчиси Шоҳруз Норхонов дублга эришди. Бу мавсумда 4та гол урган ҳужумчи билан суҳбатлашдик.

- Суперлиганинг 10та тури ортда қолди. Таассуротлар қандай?

- Аввало барчани рамазон ойи билан табриклайман. Тутган рўзалари қабул бўлсин илоҳим. Саволингизга келсак таассуротлар яхши. Мавсум бошини яхши бошлагандик, бироқ кейин керакли очколарни йўқотдик. Сўнгги ўйинларда ўз ўйинимизни топиб бораяпмиз деб ўйлайман.

- Лушчанга нима етишмади деб ўйлайсиз.

- Тўғриси мураббийни муҳокама қилишни истамайман. Сергей Лушчанни кучли мураббий деб биламан. Ундан кўп нарсалар ўргандим, у билан бирга ишлаганимдан хурсандман.

- Жамоага Улуғбек Бақоев келгач натижалар яхшиланди. Бу нима билан боғлиқ?

- Улуғбек Бақоев ўз вақтида "Бухоро"ни бешинчи ўринга олиб чиққан мураббий ҳисобаланди. Ушбу мураббий келгач бизга кучли бўлиш ва олдинга қадам ташлашни ўргатдилар. Ҳозир яхши ўйинлар кўрсатиб натижамиз ҳам яхшиланиб бормоқда. Бақоев футболчилик пайтида ҳужумчи бўлган, шу боис ўзим учун кўп нарса ўрганаяпман.



- Ўтган мавсумда жами 4та гол ургандингиз, бу йил 10та турни ўзида 4та гол урдингиз. Олдинги Норхонов қайтдими?

- (Кулади) Худо хоҳласа, ишлашда давом этаман. Буёғини вақт кўрсатади. Дастлабки турларда ҳам имкониятлар бўлганди, аммо гол уриш насиб қилмаган экан.

- "Пахтакор" билан ўйинда қизил карточка олдингиз. Ўша вазиятда нима бўлганди?

- Ўша вазиятда қўпол ўйнагандирманки, бош ҳакам мени майдондан четлатди.

- "Сўғдиёна" ҳужум чизиғида рақобат қай даражада?

- Бизда яхши ҳужумчилар бор. Достон Тошматов, Ойбек Нурматов ва бошқалар. Шундай экан ҳужум чизиғида рақобат кучли.

- Жамоаингиз сафарда 4та ўйин ўтказиб атиги бир марта ғалаба қозонди. Бунга сабаб нима? Сафарда нима етишмаяпти?

- Сафарда ютиш доим оғир бўлади. Биз ҳам сафарда ютишни хоҳлаймиз. Агар ўз ўйинимизни кўрсата олсак исталган жойда ғалаба қозонса бўлади. Айтишадику ўз уйингда деворлар ҳам ёрдам беради деб.




- 1 июнь куни "Сўғдиёна" Лига Кубоги доирасида "Шўртан" меҳмони бўлади. Ушбу ўйин ва мусобақада жамоанинг мақсади қандай?

- Бизнинг мақсад фақат ғалаба қозониб мухлисларимизни хурсанд қилиш. Лига Кубогида ҳам узоқроққа бориб, насиб қилса балки кубокни қўлга киритишга ҳам эришармиз. Ахир бу мусобақада тарихда илк бор ўтказилмоқда, доим биринчи бўлиш яхши.

- Нима деб ўйлайсиз Эктор Купер сизга ҳам эътибор қаратадими?

- Билмадим, буни боя айтганимдек вақт кўрсатади. Мен ҳозир "Сўғдиёна"ни юқори ўринга олиб чиқиш ва ўз голларим сонини кўпайтиришни ўйлаяпман. Агар терма жамоага лойиқ ўйин кўрсатсам балки мураббийлар менга ҳам эътибор қаратишар. Ишлашда давом этиш лозим.

- Айни пайтда "Сўғдиёна" чемпионатда бешинчи ўринда. Мавсум охирида нечанчи ўринда бўлади деб ўйлайсиз?

- Мақсад ҳар дим юқори ўрин бўлади. Чемпионатнинг ҳали ярмидан кўпи олдинда. Имкон қадар юқори ўринларга ҳаракат қиламиз.

- Суперлигада бу мавсумда қайси ёш футболчиларнинг ўйини сизга ёқди?

- Бу мавсум кўплаб яхши ёш футболчилар етишиб чиқди. Менга "Навбаҳор"дан Остон Ўрунов ва "Бунёдкор"дан Жасур Жалолиддиновнинг ўйинлари маъқул келмоқда. Уларга ишлашда тўхташмасин деб маслаҳат бераман.


Нарзулла Сайдуллаев суҳбатлашди

Рейтинг: +18   

Комментарии

championat.asia
< посмотреть последние новости
Яндекс.Метрика