Шоҳруз Норхонов: “Гол урмасам ҳам жамоам ғалаба қозонса бўлгани”
02 окт 2016 13:00
Новости

Шоҳруз Норхонов: “Гол урмасам ҳам жамоам ғалаба қозонса бўлгани”

“Обод” клуби ҳужумчиси Шоҳруз Норхонов "Нефтчи"га қарши баҳсдан сўнг ўз фикрлари билан ўртоқлашди.

“Нефтчи”га қарши жуда ҳам қийин ўйинни ўтказдик. Жамоани ғалабага бўлган иштиёқи жуда ҳам кучли эди. Учрашувнинг сўнгги дақиқаларида омад бизга кулиб боқди ва Анвар ака Ғофуров рақиб дарвозасини чиройли услубда ишғол қилди. Ушбу ғалаба жамоанинг аҳиллиги эвазига қўлга киритилди деб ўйлайман.

Биринчи бўлиб ўз дарвозамиздан гол ўтказиб юборган бўлсак ҳам якунда иродали ғалабага эришдик. Гол урмасам ҳам жамоам ғалаба қозонса шуни ўзи етади. Ғалаба билан барча мухлисларимизни табриклайман”, - дейди “Обод” жамоаси ҳужумчиси Шоҳруз Норхонов.

Жаҳонгир Сотволдиев

Ссылка :

Источник : championat.asia

Получайте новости прямо в Telegram!

Рейтинг: +3