Шоҳруҳбек Абдураҳмонов: “Охирги иккита ўйинда ўз даражамизда ўйнай олмадик”

Учрашувдан сўнг самарқандликлар футболчиси Шоҳруҳбек Абдураҳмонов фикрларига қулоқ тутдик.

“Биз “Нурафшон” ва “Олимпик” жамоаларига қарши яхши тайёргарлик кўргандик. Муддатидан олдин вазифани бажарган бўлсак-да, қолган баҳсларда ҳам муваффақият қозониб, мухлисларимизни хурсанд қилмоқчи эдик. Кутилмаган натижалар қайд этдик. Бу ўйинларда ўз даражамизда ўйнай олмадик.

Олдимизда сўнгги тур баҳси кутиб турибди. “Нефтчи”га қарши ижобий натижа кўрсатишни истаймиз. Мазкур ўйинда пуҳта тайёргарлик кўрмоқдамиз. Мухлисларимизга ушбу баҳсда ғалаба тақдим қилиш истаймиз. Қолаверса, аввалги иккита мағлубиятдан тўғри хулоса чиқармоқчимиз.

Бу йилги Про-лига ўйинлари юқори савияда ўтказилди дея оламан. Деяли кучсиз жамоани учратганим йўқ. Кимга қарши ўйнаган бўлсак-да, жиддий қаршиликга дуч келдик. Вазифа йўлида бирдамлик ва аҳиллик билан ҳаракат қилдик. Шу туфайли Суперлигага йўл олдик", - деди Абдураҳмонов.