Шоҳруҳ Ишанов: "Бугун омад биз томонда бўлди"
01 июн 2023 22:28
Новости

Шоҳруҳ Ишанов: "Бугун омад биз томонда бўлди"

Теги : Ўзбекистон Кубоги "Андижон-SGS""Ғиждувон"

Ўзбекистон кубоги мусобақасининг 3-туридан ўрин олган "Андижон-SGS” - “Ғиждувон" (5:2) учрашувидан сўнг мезбонлар бош мураббийи Шоҳруҳ Ишанов матбуот анжуманида иштирок этди.

Ўйин ҳақида

- Аввало жамоамиз аъзолари ва мухлисларини ғалаба билан табриклайман. "Ғиждувон" жамоаси билан чемпионат доирасидаги сафар учрашувида мағлуб бўлгандик. Йигитлар билан ўтириб, ўша ўйиндаги хатоларни таҳлил қилдик. Бугун тайёргарлик самара берди, ғалабага эришдик.

- Чемпионат доирасидаги "Ғиждувон" билан бугунгисида қандай фарқ сездингиз?

- Бугун омад биз томонда бўлди. Чемпионат доирасидаги ўйинда ҳам тўп назорати бизда, буни рақиб жамоа бош мураббийи ҳам таъкидлаганди. "Ғиждувон" Про-лигада ўз ўрнига эга жамоа, уларга кейинги ўйинларда омад тилайман.

- Иккинчи давра олдидан режалар қандай?

- Бизда 17 куни "Динамо" билан ўйин бор, қолдирилган учрашув. Ҳозир бор эътиборимизни шу баҳсга қаратамиз. Ана ундан кейин навбатдаги режалар ҳақида ўйлаб кўрса бўлади.

Ссылка :

Источник : championat.asia

Получайте новости прямо в Telegram!

Рейтинг: