Шодиёр Ҳожиматов: "Зомин"ни кучли хоҳиш эвазига мағлуб этдик"

Муросасиз ҳамда кескин курашларга бой тарзда ўтган учрашувдан сўнг "Нефтчи" жамоасининг ёш футболчиси Шодиёр Ҳожиматов фикрларини билдириб ўтди. 

"Биринчи бўлимда ўз хатоларимиз эвазига гол ўтказиб юбордик. Шунинг ҳисобига ўзимизга қийинчилик туғдирдик. Ўйин давомида кўп голли вазиятлардан фойдалана олмадик, бу эса баҳсни асабий руҳда ўтишига сабаб бўлди. Иккинчи бўлимда ғалаба учун барча бирдек ҳаракат қилди, бизда хоҳиш ва иштиёқ кучли эди. Ўйиндан олдин рақибни менсимаслик ёки уларнинг имкониятига паст баҳор бериш каби ҳолат бўлмади. Ҳар қандай рақибни ҳурмат қилиш керак, уларнинг ҳам ўзига яраша кучли томонлари бор эди. Умуман олганда Про лигада осон ўйинлар йўқлигини кўриб турибмиз. Про лиганинг савияси ва даражаси бу йил анча ошди дея оламан",- дейди Ҳожимат Эркинов.