Шин Таэ Йонг: "Ўзбекистонга қарши ўйин жуда муҳим"

- Уч нафар футболчимизни клублари Қатардаги мусобақага қўйиб юборишни исташмади. Парк Ин Хёк, Чои Кйонг Рок ва Ли Чан Донг жамоамизнинг асосий футболчилари эди. Бироқ уларнинг ўрнини тўлдирадиган ўйинчилар етарли. Агар машғулотларда барчасини тўғри бажарган бўлсак шу йигитлар билан ҳам ижобий натижа қайд эта оламиз.

- Мен тўртта турли тактикаларни тайёрлаб қўйдим. Ўзбекистон, Яман ва Ироқ қандай ўйнашини билмайман. Чорак финалга чиқиш йўлида 3-4та тактикадан фойдаланамиз.

- Ўзбекистонга қарши илк ўйин жуда муҳим. Бу ўйин мени энг кўп ташвишга солмоқда. Агар шогирдларим шу баҳсда ғалаба қозона олишса кейинги ўйинлардан олдин ишонч ортиб кетади. Йигитларим босимдан ҳалос бўлишлари учун мусобақани ижобий бошламоқчимиз.

- Биз Бразилияда бўлиб ўтадиган Олимпиада ўйинларида иштирок этиш учун қўлимиздан келганича ҳаракат қиламиз, - дейди Шин Таэ Йонг Жанубий Корея ФА матбуот хизматига.