RU

Последние новости

02:10Клублар ўртасидаги ЖЧ. "Флуминенсе" "Ал Ҳилол"ни мағлуб қилиб, ярим финалга йўл олди!  19 01:50Кайл Уокер "Бернли"га ўтишга яқин  2 01:23"Комо" 19 ёшли ҳужумчи учун 14 миллион тўлади  0 00:57Расман: "Ювентус" "Лилль" тарихидаги энг яхши тўпурар билан шартнома имзолади  0 00:40"Манчестер Юнайтед"да 10-рақамнинг эгаси аниқ. У Рэшфорд эмас  2 00:02Иван Бошкович: "Биринчи даврада футболчиларим ўз даражасини намойиш қилди, бироқ бизга омад етишмади"  0 23:43Баҳром Ҳайдаров: "Рақиб жарима майдончаси атрофига борганда футбочлиларимизга совуққонлик ва маҳорат етишмаяпти"  4 23:21Февзи Давлетов: "ОКМК билан баҳсда кўп куч ва эмоция йўқотдик, бу ўйинга кучли руҳлана олмадик"  0 22:57Улуғбек Бакаев: "Бундай иссиқ об-ҳавода дуранг биз учун қониқарли бўлди"  3 22:42"Бешиктош" Иммобиле билан шартномани бекор қилди  3 21:58Суперлига. "Қўқон-1912"нинг ғалабасиз серияси давом этади, бу сафар жамоа Жиззахда "Сўғдиёна"га енгилди  8 21:55Суперлига. "Сурхон" - "Бухоро" учрашувида ғолиб аниқланмади  9 21:15Филиппе Коутиньо расман "Васко да Гама" футболчисига айланди  2 20:58"Манчестер Юнайтед"да янги тўлқин: беш футболчи клубни тарк этиш ниятида — Романо  5 19:49Аарон Рэмзи фаолиятини Мексикада давом эттиради  0

Шерзод Насруллаев: "Насаф"ни ёш жамоа дейишингиз мумкин, лекин биз ақлан ўсишга эришдик" Новости

Шерзод Насруллаев: "Насаф"ни ёш жамоа дейишингиз мумкин, лекин биз ақлан ўсишга эришдик"

Қаршининг "Насаф" жамоаси ОФК кубоги Интерзонал финал босқичида Гонконгнинг "Ли Ман" жамоасини мағлубиятга учратиб финалга йўлланма олди (3:2).

Муросасиз ва курашларга бой кечган ўйинда ғолиб номи асосий дақиқаларда аниқланмади. Жавоб учрашуви йўқлиги сабабли баҳс тақдири битта ўйинда ҳал бўлиши керак эди. Натижада беллашув бош ҳаками жамоаларни 15 дақиқадан иборат иккита экстра-таймларга таклиф қилди. Ҳужумлар сонини оширган майдон эгалари 105+1 дақиқага келиб ғалаба тўпини киритишга муваффақ бўлди. Шерзод Насруллаевнинг чап қанотдан оширган тўпини Андрия Калудерович голга айлантирди. Биз мазкур ўйиндан сўнг учинчи голда катта ҳажмдаги ишни бажариб берган Шерзод Насруллаевни суҳбатга чорладик.

- Аввало ғалаба билан табриклаймиз. "Ли Ман"га қарши кечган ўйин аввалгиларига нисбатан қай даражада қийин ўтди? Жамоа кеча ҳақиқий қаршиликка дуч келди...
- Раҳмат катта. Фикримча, "Ли Ман" жамоаси "Аҳал", "Моҳун Баган"га қараганда кучлироқ, дея оламан. Буни майдонда ҳам кўрдик. Бизга етарли даражада қийинчилик туғдира олишди. Ўйин осон ўтмади.

- Иккинчи бўлимда жамоа ўйинини йўқотиб қўйгандек ёки эрта хотиржамликка берилгандек таассурот қолдирди. Рақиб эса "ифлос" футбол кўрсатишга, "Насаф"нинг ўйинини бўғишга ҳаракат қилди...
- Тўғри биринчи бўлим давомида устунликка эга бўлдик. Иккита гол ҳам уришга эришдик. Лекин иккинчи бўлимда иккита тезкор гол ўтказиб юбордик. Ўзимизнинг хатоларимиз панд берди. Голдан кейин эса сус ҳаракат қилганимиз рост. Қийин бўлиши олдиндан аниқ эди.

- Финалда қайси жамоа "Насаф"га рақиб бўлишини кутган эдингиз?
- Қайси жамоа билан тўқнаш келишимизнинг фарқи йўқ.

- Сизнингча "Ал Муҳаррақ" "Кувайт СК"га қараганда бироз енгилроқ рақибми?
- Йўқ, бундай ўйламайман. Агар кучсиз жамоа бўлганида "Кувайт СК"ни мағлуб этмасди. Демак ўзига яраша кучли жамоа. Финалда ҳамма нарса ҳал бўлади.

- Учрашувдан сўнг Рўзиқул Бердиев сизни жароҳат билан ҳаракат қилганингизни айтди. Аслида ҳолатингиз қандай? Балки оғриқ қолдирувчи укол ёрдамида тўп тепгандирсиз...
- Шамоллагандим. Шунингдек оёқ пайларимда бироз муаммо бор эди. Ўйин пайтида жароҳат орттириб олдим.

- Ўзбекистон терма жамоасига чақирилишингизни ҳамма кутяпти. Лекин Сречко Катанец ҳозирча таклиф қилгани йўқ...
- Бу гапни кўпчилик инсонлардан эшитганман. Ўзимга ҳам айтишган. Терма жамоага энди чақиради, деб ўйлайман.

- Жамоа финалгача оғир йўлни босиб ўтди. Футболчиларда халқаро майдон кўникмаси шаклланиб бўлдими? Бундай ютуқдан кейин" Насаф"га нисбатан ёш жамоа иборасини ишлатиш тўғрими?
- Ҳа, ёш жамоа деб, айтишингиз мумкин. Лекин ақлан ўсишга эришдик, дея оламан. Бизни қўллаб - қувватлаб турган мухлисларга раҳмат айтаман. Биз финалда ҳам ғалаба қозониб ОФК кубогини Ўзбекистонга олиб келишга, жонимизни бериб ўйнашга ҳаракат қиламиз.


Абдулазиз Искандаров суҳбатлашди

Рейтинг: +21   

Комментарии

championat.asia
< посмотреть последние новости
Яндекс.Метрика