Шерзод Ҳакимов: Пахтакордан таклиф тушгани рост

Лекин ушбу жамоанинг айрим ўйинчиларига ҳам ўзга клублардан таклифлар келиб тушмоқда. Масалан, Шерзод Ҳакимовга Тошкентнинг "Пахтакор" жамоасидан чорлов бўлган. Бу ҳақда футболчининг ўзи шундай деди:

"Ҳа, чиндан ҳам "Пахтакор"дан таклиф бўлди. Кўпчиликка яхши маълумки, ушбу жамоада ўйнашни мамлакатмиздаги барча футболчилар орзу қилади. Сабаби "Пахтакор" юртимизда ўз ўрнига эга ва байроқдор жамоалардан биридир. Бу клубнинг таклифи мени ҳам ўз навбатида қувонтиргани рост. Лекин биласизми бугунги кунда "Нефтчи" билан амалда шартномам мавжуд. Қолаверса раҳбарият билан бу хусусда гаплашганимда, жамоага керак эканлигимни айтди ва шундан сўнг бор эътиборимни "Нефтчи"га қаратдим.

Тўғри, ҳозир мураббийлар таркибга маҳоратли ҳужумчиларни таклиф этиб, олдинги чизиқдаги рақобатни оширишга ҳаракат қилишмоқда. Рақобат? Йўқ, бундан сира чўчимайман. Ҳар қандай рақобатга тайёрман!

Мураббийимиз билан гаплашдим, унинг мендан умиди катта. Ўз навбатида мен ҳам қайси чизиқда ўйнашимдан қатъий назар, ишончни оқлашга ва жамоам муваффақиятларига улушимни қўшиш учун бор кучимни ишга соламан" - дейди Ҳакимов.