Шерзод Файзиев: "Локомотив" фақат ғалаба учун ўйнайди"

"Темирйўлчилар" мазкур босқичдаги дастлабки учрашувни "Ўз-Донг Жу" клубига қарши ўтказишади. Жамоа сафарга йўл олишидан олдин "Локомотив" таркибига шу йил келиб қўшилган ҳимоячи Шерзод Файзиевдан интервью олдик.

- Шерзод, “Ўз-Донг Жу” билан кечадиган баҳс олдидан фикрингиз?
- Бу ўйинга тайёргарлик яхши кечди. Жамоамиз жисмонан ва руҳан уйинга тайёр. Ҳамма ўйинларда бўлгани каби "Локомотив" бу учрашувда ҳам фақат ғалаба учун уйнайди.

- "Локомотив" олдига Кубокда қандай вазифа қўйилган?
- Бизнинг мақсадимиз фақат ғалаба ҳамда Кубокни қўлга киритиш. Бунинг учун охиригача ҳаракат қиламиз.

- Маълумки, "темирйўлчилар"нинг бир қатор ўйинчилари миллий терма жамоага жалб этилган. Нима деб ўйлайсиз, уларнинг йўқлиги ўйинга таъсир қилмайдими?
- Менимча таъсир қилмайди. Чунки биз бир жамоамиз ва бизда биринчи таркиб, иккинчи таркиб деган тушунча йўқ. Ҳозир ҳам сафимизда бир неча йил давомида терма жамоада ўйнаган тажрибали футболчилар бор.

Дилдора Холбаева ("Локомотив" матбуот хизмати)