Шерзод Эсанов “Андижон” мухлислари билан хайрлашди
23 июл 21:21
Новости

Шерзод Эсанов “Андижон” мухлислари билан хайрлашди

“Андижон” собиқ футболчи Шерзод Эсанов Россиянинг “Акрон” жамоасига кўчиб ўтганидан мухлисларга хайрлашув сўзларини ёзди.

Ўзбекистон U-23 терма жамоаси ярим ҳимоячиси клуб мухлисларига ўз миннатдорчилигини билдирди.

“Қадрли “Андижон” мухлислари!
Мен ҳаётимдаги бу муҳим лаҳзаларни ҳеч қачон унутмайман. Ҳурматли андижонликлар ва жамоа мухлислари, ҳар бир ўйинда тинимсиз қўллаб-қувватлаб борганингиз учун сизларга чин дилдан раҳмат айтаман.
Майдондаги ҳар бир дақиқамда сизнинг қўлловингизни ҳис этиб, роҳатланиб ҳаракат қилдим. Шубҳасиз, сизлар Ўзбекистондаги энг яхши мухлисларсизлар!
Мураббийлар штаби, жамоадошларим, тиббиёт ходимлари, маъмурлар ва барча ходимларга ташаккуримни билдираман.
Янги саргузаштларни бошдан кечириш пайти келди. “Андижон”га эса янги марраларни забт этишини тилайман. Улар сизнинг ишончингизни оқлашига ишонаман!”, деди Эсанов.

Эслатиб ўтамиз, 21 ёшли футболчи фаолиятини Россиянинг "Акрон" жамоасида давом эттиради. Мавсумнинг биринчи қисмида у Ўзбекистон чемпионати ва кубогида ҳаммаси бўлиб 15 та беллашувда иштирок этиб, 2 та гол муаллифига айланди.

Ссылка :

Источник : "Андижон" ФК матбуот хизмати

Получайте новости прямо в Telegram!

Рейтинг: +9