Шерзод Аъзамов: "МТЖга келгандан сўнг ҳеч ким рақобатдан чўчимайди"

"Терма жамоа янгидан тузилмоқда. Ҳамма нарса жуда яхши. Ташкилий ишлар ҳам аъло даражада. Барча мураббийларнинг иш услуби турли хил бўлади. Терма жамоа билан биринчи маротаба шуғулланишим. Машғулотлар менга ёқмоқда. Ўтган сафарги йиғинни жароҳатим боис тўлиқ ўтказа олмагандим. Умуман олиб айтганда, таассуротлар яхши. Ҳимояда кучли рақобат мавжуд. Терма жамоага келганидан сўнг ҳеч бир футболчи рақобатдан чўчимайди. Ҳамма нарса аввало ўзимга боғлиқ. Машғулотларда мураббийларга маъқул келиш лозим. Кимни асосий таркибга киритишни эса бош мураббий ҳал этади. Ким ўйнашга тўлиқ тайёр бўлса ўша майдонга тушади. Ички муҳит ҳам аъло даражада деб бемалол айта оламан. Терма жамоага биринчи бор келганимга қарамай, бу ердаги муҳит менга маъқул келди. Барча бир-бири билан иноқ. Олдимизда турган ўйинларда ғалаба қозонишимиз лозим. Барчамиз биргаликда ҳаракат қилсак, бу ўйинларда рақибларимизни доғда қолдира оламиз деб ўйлайман. Бунга кучимиз етади албатта. Ўзбекистон терма жамоаси Яман ва Филиппин каби рақиблар билан дуранг ўйнаши ҳам мумкин эмас. Ўйлайманки, терма жамоа билан кўзланган мақсадга эриша оламиз", - дейди Шерзод Аъзамов.