Шерали Жўраев: “Вазиятлардан фойдаланганимда уйга бошқача кайфиятда қайтардик”
12 июн 2016 16:15
Новости

Шерали Жўраев: “Вазиятлардан фойдаланганимда уйга бошқача кайфиятда қайтардик”

Олий лига ўн биринчи туридан жой олган “Бунёдкор” — “Қизилқум” жамоалари учрашувидан (2:0) сўнг, навоийликлар ярим ҳимоячиси Шерали Жўраев ўйин ҳақидаги фикрлари билан ўртоқлашди.

—“Бунёдкор” жамоаси қарши учрашувни ёмон бошламагандик, — деди Шерали Жўраев. — Гарчи, ҳаво ҳарорати ҳар икки жамоа аъзоларини ҳам бирдек қийин аҳволга солиб қўйган бўлса-да, бутун учрашув давомида ҳимояга ётиб олмадик. Голли вазиятлар яратишга уриндик. Аламлиси, икки бор қулай вазиятлардан самарали фойдалана олмадим. Агар уларнинг ҳеч бўлмаганида биттасини гол билан якунлаганимда уйга мутлақо бошқача кайфиятда қайтишимиз тайин эди.
Шундай иссиқ ҳавода бизни қўллаб-қувватлаш учун Навоийдан узоқ йўл босиб келган мухлисларимизни хурсанд қилишни истагандик. Афсуски, буни амалга ошира олмадик. Аммо ҳаёт давом этяпти. Кейинги учрашувларга жиддий тайёрланиб, йўқотилган очколар ўрнини қоплашга ҳаракат қиламиз, албатта.

“Қизилқум” ПФК Матбуот хизмати.

Ссылка :

Источник : championat.asia

Получайте новости прямо в Telegram!

Рейтинг: