"Шахтёр" футболчиси жиддий жароҳат олиб, 9-12 ойга сафдан чиқди
07 окт 2021 00:35
Новости

"Шахтёр" футболчиси жиддий жароҳат олиб, 9-12 ойга сафдан чиқди

"Шахтёр" форварди Лассина Траоре ЕЧЛ доирасида "Интер"га қарши ўйинда жароҳат олганди.

Донецкликлар бош шифокори Артур Глушенко 20 ёшли футболчининг ҳолати ҳақида гапирди.

"Траоренинг тиззаси жуда жиддий жароҳатланган. 2 ҳафтадан кейин уни операция қилишади. Ҳозир уни бунга тайёрлаяпмиз. Унинг тизза соҳасидаги ишишни қайтишини кутишимиз керак. Траоренинг сафга қайтиши 9-12 ойдан кейин бўлиши мумкин", - деди шифокор.

Траоре "Шахтёр"да энди биринчи мавсумини ўтказаётганди. Июлда унинг трансфери учун клуб "Аякс"га 10 миллион евро тўлаганди. Ушбу мавсумда у жамоаси таркибида 14 ўйинда қатнашиб, 9 гол уришга улгурганди.