Шавкат Саидов: “Ҳисоб ўйинга мос бўлди”
05 ноя 2015 20:50
Новости
![](https://championat.asia/upload/storage/187809_original.jpg)
![](/upload/storage/187809_220.jpg)
Шавкат Саидов: “Ҳисоб ўйинга мос бўлди”
— Бугунги учрашув жуда қийин ўтишини аввалдан билардик, — дея сўз бошлади Шавкат Неъматович. — Навоийга жамоамиз таркибда жиддий йўқотишлар билан ташриф буюрди. Турли сабабларга кўра, асосий таркиб ўйинчиларидан беш нафари “Қизилқум”га қарши майдонга туша олмасди. Шунга қарамай, йигитлар бугун шижоат билан тўп суришди. Қолаверса, охирги учрашувлардаги омадсизликдан сўнг, сафардан очко билан уйга қайтиш жуда ёқимли.
— Бутун ўйин давомида ҳар икки жамоада ҳам голга тортадиган кўплаб вазиятлар юзага келди. Аксарият вазиятларда дарвозабонимиз жамоамиз жонига оро кирган бўлса, айрим ҳолатларда ҳимоячиларимиз ҳам ўз ўрниларида бехато ҳаракат қилишди. Йигитларимиз хатти-ҳаракатидан қониқдим.
— Учрашув олдидан ҳимоячиларимизни эҳтиёткорона ҳаракат қилишларини тайинлагандим. Чунки “Қизилқум” таркибида чемпионат тўпурари Баҳриддин Ваҳобов исталган вақтда рақибни қийин вазиятга солиб қўйиши мумкин эди. Ҳимоячиларимиз кўрсатмаларимизни тўлиқ амалга ошириб, Баҳриддиннинг ўзи истаганидек эркин ҳаракат қилишига йўл қўйишмади. Бир сўз билан айтганда, бугунги ҳисоб ўйинга мос бўлди.
Похожие новости
![AMP Logo](https://championat.asia/image/logo-amp.png)
Комментарии