Шавкат Мирзиёев Ачилбай Раматовга футболни ривожлантириш ҳақида топшириқ бергани маълум қилинди
25 янв 2018 19:07
Новости

Шавкат Мирзиёев Ачилбай Раматовга футболни ривожлантириш ҳақида топшириқ бергани маълум қилинди

Ўзбекистон футбол Ассоциациясининг янги раҳбари Ачилбай Раматов ташкилотнинг ҳисобот-сайлов конференциясида бир неча масалалар ҳақида гапирди.

Жумладан, мамлакатимизда футболни ривожлантириш борасида шахсан давлатимиз раҳбари Шавкат Мирзиёевдан топшириқ олганликлари ҳақида ҳам гапириб ўтилди.

"Футбол ичидаги "ўйинлар"нинг ҳаммасини биламан. Мен футбол ичидан чиққанман. Ўтказилаётган ўйинларда кўрса бўлади. Баъзида оффсайд ҳолатларида голларни ҳисобга олиш, баҳсли ҳолатлар, пенальти белгилаш ёки уни бекор қилиш каби салбий ҳолатларни бартараф этиш мақсадида ҳакамлар фаолиятини тубдан ислоҳ қилиш талаб қилинмоқда. Бу ғирт ўйин. Пенальти йўқ жойда пенальти белгилайди, хоҳласа бекор қилади. Бу ҳам стадионга мухлислар келмаслигига асосий сабаблардан бири.

1-2 йил олдин биласизлар-а, кимлардир аралашган "Пахтакор" - Металлург" ўйини. Бу ғирт аҳмоқгарчилик ишлардан биттаси. Пул олиб туриб, келишилган ўйинлар ўтказишган. Бу ғирром ўйин. Ўзбекларда ғирром деган сўз бор. Ғирром бўлган жойда ишқибоз келмайди. Бундан буёғига бу каби ғирром ўйинларга буткул чек қўйиш керак.

Учрашувларга холисона ёндошув керак. Тошкент жамоалари бўладими ёки вилоят жамоаларими фарқи йўқ, ҳаммасига бир хил кўз билан қараш керак. Уларнинг ҳаммаси бизлар учун бир бўлади.

Ҳозир муҳтарам юртбошимиз жуда қаттиқ топшириқ бердилар. Ёки футболни ривожлантираман ёки йўқ қиламан, дедилар.

Бир йили мен ўзим кўрган "Пахтакор" - "Навбаҳор" ўйинларида ғирромликлар бўлган. Кейин футбол федерациясининг бошлиғи бориб кечирим сўраган. Шу ҳам иш бўладими? Ёки футбол ўйнаш керак ёки савдо-сотув билан шуғулланиш лозим. Бу ер бозор эмас. Қачон одам бўламиз?

Ҳозир муҳтарам юртбошимиз жуда қаттиқ топшириқ бердилар. Ёки футболни ривожлантираман ёки йўқ қиламан, дедилар.

Ҳозирги кунда футбол бўйича порталга келаётган талаблар кўпайиб кетган. Халқ талаб қиляпти, нима учун бизларда футбол ривожланмади? Нимага бизларнинг футболимизда ҳамма нарса "ўйин"? Нимага ҳакамлар бу каби "ўйин" қилади? Футболга қарайдиган эга борми, деб ёзмоқда одамлар. Бу каби муаммоларни одамлар ёзмоқда. Бу каби эътирозлар, талаблар кўпайиб кетган. Улар ҳам Ўзбекистон терма жамоасини Жаҳон чемпионатида кўришни истамоқда. Мана Россияга боролмадик. Бу каби иллатларга чек қўйишга тўғри келади", - деди Раматов.