Шамил Ярулин: "Насаф" янги мавсумга яхши тайёргарлик кўрди"

"Янги мавсум бошланмоқда. Бу мавсум қизиқарли ўтишини кутаяпмиз. Қаршида Осиё чемпионлар лигаси доирасидаги 3та ўйин бўлиб ўтади. Бизда меҳмонларга жуда ҳам яхши шароитлар яратиб берамиз".

"Жамоа 12 кун давомида БААда йиғин ўтказди. Унда "Насаф" 4та ўртоқлик учрашуви ўтказиб қайтди. Бу ўйинлар орқали таркибдаги футболчиларни текшириб олдик. Битта муаммо яхши ҳужумчи йўқлиги бўлиб турибди. Аммо таркибда бир қатор янги ёшлар ўсиб етишишмоқда. Азиз Ғаниев, Шароф Муҳиддинов, Бобур Абдухолиқов, Умид Эргашев ва Ислом Рашидхонов каби ёшлар бизнинг келажагимиз. Клуб футбол мактаби яхши ишлашда давом этмоқда".

"17 февраль куни Ўзбекистон Суперкубоги доирасидаги баҳсни орзиқиб кутаяпмиз. "Бунёдкор" стадионида "Пахтакор"га қарши ўйинда муносиб ўйин кўрсатиб мухлисларимизни қувонтиримоқчимиз. Умид қиламанки мухлисларга ёқадиган ўйин кўрсатамиз".

"2 март куни Қаршида ОЧЛдаги илк учрашув бўлиб ўтади. Айни пайтда майса билан ҳеч қандай муаммо йўқ. Қишда майсага алоҳида эътибор билан қаралди, шу боис дастлабки ўйинда майдон идеал ҳолатда бўлади", - дейди Шамил Ярулин.