Шакири "Базель"га "Манчестер Юнайтед"нинг кучсиз томонлари ҳақида айтиб берди

Швейцария ва инглиз жамоалари Чемпионлар лигаси гуруҳ босқичининг илк турида узаро учрашув ўтказишади.

"Базель" биринчи навбатда қўрқмасдан ўйнаши керак. 90 дақиқада мағлуб бўлишдан хафа бўлмаслик керак. МЮнинг ҳужум чизиғи жуда кучли. "Манчестер Юнайтед"нинг кучсиз томони - ҳимоя. Биз буни кўрсатиб бердик. Агар сиз тез ва қўрқмасдан ўйнасангиз, ҳимоячиларда муаммо пайдо бўлади.

Моуриньо. Моуриньо, одамлар у ҳақида нима ўйлашига эътибор бермайди. Тактик "тулки". У жамоани қандай рухлантиришни билади.

"Базель"га қийин бўлади, бунинг устига ўйин "Олд Траффорд"да бўлади. Таваккал қилиш керак. Ҳимоядан ўйнашнинг ўзи етарли бўлмайди" - дейди Шакири.

"Манчестер Юнайтед" - "Базель" учрашуви  12 сентябрь куни Тошкент вақти билан 23:45да бошланади.