Шаҳзод Шайманов: "Ҳакамдан нолишга ҳаққимиз йўқ"

"Ўйиндан олдин белгилаган режаларимиз бўйича учрашувни бошлади. Дастлабки гол тезкор гол уриш ва ҳимояни ушлаш эди. Биз бир эмас икки гол урдик лекин якунгача ҳимояни ушлаб қола олмадик. Бунга ўзимиз айбдормиз. Ҳакамдан нолишга ҳаққимиз йўқ".

"Ўйин борасида "Қизилқум"дан ёмонроқ ўйин кўрсатмадик. Бу ўйинда мағлубиятга ҳам муносиб эмас эдик. Белгиланган пеналтилар борасида бирон нарса айтиш қийин. Энди энг асосийси кейинги ўйинда бу хатоларни такрорламаслигимиз керак. Учрашувдан олдин мураббийимиз жарима майдончаси ичида ҳеч қандай қўполлик ишлатмаслик ва бунга уринмаслик ҳам кераклиги ҳақида огоҳлантирганди. Ўзимиз ҳам ҳар қандай ҳаракат қимматга тушишини жуда яхши билар эдик. Одатда "Қизилқум"га қарши ҳеч бир жамоа ўз жарима майдончаси ичида қоида бузишни ёки озгина рақибга нисбатан ҳаракатни истамайди. Кўпгина жамоалар шу боис Навоийдан очкосиз кетади", - дейди Шайманов.

"Машъал" матбуот хизматидан сайтимиз учун махсус