Шаҳзод Нурматов нега МТЖ йиғинида иштирок этмади?

Мазкур ортда қолган учрашувларга бош мураббий бир қатор ёшларни таклиф этди. Айрим футболчилар терма жамоада дебют учрашувини ўтказишга ҳам муваффақ бўлди. Агарда эътибор берган бўлсангиз, миллий терма жамоамизга таклиф этилган футболчилар рўйхатида Шаҳзод Нурматов ҳам бор эди. Аммо "Металлург" ҳужумчиси машғулотлар ва икки ўйинда кўриниш бермади. Хўш, бунга нима сабаб бўлди? Вазиятга ойдинлик киритиш мақсадида Нурматовнинг ўзи билан боғланганимизда буни қуйидагича изоҳлади:

- Олий  лига туридан ўрин олган "Сўғдиёна"га қарши ўтказган баҳсимизда оёғимни мушакларини чўзиб олгандим. Миллий терма жамоамиздан чақирув олганимдан жуда хурсанд бўлдим. Лекин оёғимдаги оғриқ шу кунлари ҳаттоки машғулот ўтказишимга йўл қўймади. Бу нарса яна кейинчалик ҳам безовта қилмаслиги учун Уммон қарши ўйинларда иштирок эта олмадим. Бугунги кунга келиб, ҳаммаси яхши бўлмоқда. Насиб қилса келгуси баҳсларда жамоамга ҳам миллий терма жамоамизга ёрдам беришга тайёрман, - дейди Шаҳзод Нурматов.


Исломбек Рустамбеков.