Шацких: "Биз формаларимизни уйга олиб кетиб, ўзимиз ювамиз"

"Агар сен 36 ёшингда жамоанинг 18талигига кира олмасан, демак ниманидур нотўғри қиляпсан ёки атрофингда қандайдир воқеалар юз беряпти. Ўз жойимда кимдандур кучсизроқман дея олмайман, лекин сўнгги қарорни мураббий қабул қилишини биламан.

Узоқ вақт давомида умумий гуруҳда шуғулланиб, ўйинга тайёргарлик кўрдим. Тўғри, ҳароратим билан ғалатилик бўлди: Тиббий кўрикдан ўтдим, анализ топширдим, УЗИ ва МРТдан ўтдим, аммо ҳеч ким аниқ диагноз қўйгани йўқ... 3 кун кетма-кет ҳароратим 37, 36,7 , 36,8 дан тушмади. Бундай майда-чуйда билан шифокорларни безовта қилмайман. Ким билади, балки шу ҳарорат мени ёшим учун одатий ҳолдир.

Охирги марта қачон маошни кўрдик? Тез орада бир йиллик байрам бўлади. Пул беришган, аммо аниқ қайси ўйин ёки ой учунлиги аниқ эмас. Мукофот пули? Олдинги саволингизга жавоб бераётиб мен ойлик маошни назарда тутган эдим. Қўшимча пул олмаймиз. Бизда ҳеч қандай шароит йўқ. Оддий бир мисол келтираман: клубда кир кийимлар ювилмайди. Биз формаларимизни уйга олиб кетиб, ўзимиз ювамиз. Фақат ўйинга кетишдан олдин овқатланамиз. Қисқа қилиб айтганда, ўзимизни ўзимиз боқамиз" - дейди Шацких.