ОЧЛ. "Шабаб Ал Аҳли" бош мураббийи": "Кондиционерли стадионда ўйнаганимиз бизга ёрдам берди"
15 сен 2020 10:14
Новости

ОЧЛ. "Шабаб Ал Аҳли" бош мураббийи": "Кондиционерли стадионда ўйнаганимиз бизга ёрдам берди"

ОЧЛ 3-турида Азизжон Ғаниев ўйнаётган БААнинг "Шабаб Ал Аҳли" клуби Эроннинг "Шаҳр Ходро" клубига қарши баҳсда 1:0 ҳисобида ғалаба қозонди.

Ўйиндан кейинги матбуот анжуманида "Шабаб Ал Аҳли" устози Жерар Сарагоса ўз фикрларини билдирди.

"Охирги олти ойда биринчи расмий ўйинда майдонга тушган футболчиларимни табриклашни истайман. Улар охиригача курашишди ва уч очко қўлга киритишди. Бундай узоқ муддат ўйин ўтказмай майдонга тушиш қийин бўлди. Дунёга биз бу мусобақага тайёр эканлигимизни намойиш этиш учун кўп меҳнат қилдик.

Биз БААда иссиқ ҳавода машғулот қилдик ва тайёрландик. Аммо бугун кондиционерли стадионда ўйнадик ва бу бизга анчагина ёрдам берди. Айниқса ҳимоядан ҳужумга ўтишда бу сезилди", - дейди Жерар Сарагоса.