“Setanta Sports”дан август ойи аудиторияси бўйича якунлар: энг кўп кўрилган ўйин, турнир ва жамоалар

Ўзбекистонда августда энг кўп томошабин “Челси” – “Ливерпуль” беллашувини томоша қилган. Кейинги ўринларда “Тоттенхэм” – “Манчестер Юнайтед” ва “Ньюкасл” – “Ливерпуль” ўйинлари жойлашган. Ўтган ойда энг кўп аудиторияли 10 воқеадан 9таси АПЛ баҳслари бўлгани эътиборга молик. Стэрлинг ва О`Мэлли ўртасида ўтган UFC жанги ҳам Ўзбекистонда кўп томоша қилинган.

Энг кўп кўрилган турнирлар борасида Англия премьер-лигаси, Испания Ла Лигаси ва Саудия Арабистони Про лигаси дастлабки учликдан ўрин олган. Бу кўплаб юлдуз футболчилар кўчиб ўтган Саудия чемпионатига қизиқиш ошганини кўрсатади. Ушбу лига ўйинлари Франция, Германия ва Италия чемпионатларига нисбатан кўпроқ томоша қилинмоқда. UFC, теннис бўйича WTA ва ATP мусобақалари, “Формула-1” ҳам топ-10да жойлашган.

АПЛ сингари Англия клублари ҳам энг кўп қизиқишга сабаб бўлган. “Ливерпуль”, “Челси” ва “Манчестер Юнайтед” Ўзбекистонда энг кўп кузатилган жамоалар учлигида. “Ал Насср” ўйинларини “Бавария”га нисбатан кўпроқ одам кўрган.

“Setanta Sports”да Ўзбекистон ҳудудида август ойида энг кўп аудитория йиққан воқеалар

“Setanta Sports” телеканали ва setantasports.com платформасида барча давлатлардаги кўрсаткичларда кичик ўзгаришлар мавжуд. Августда топ-10 аудитория жалб этган воқеаларнинг барчаси АПЛ ўйинларига тегишли бўлган. Бунда кучли учликда ўзгариш бўлмаган. Энг кўп томоша қилинган мусобақалар борасида ҳам ўзгариш йўқ – АПЛ, Ла Лига ва Саудия Про лигаси. Ўзбекистонда ҳам, бошқа давлатларда ҳам Франция чемпионати август ойида Германия ва Италия чемпионатларига нисбатан кўпроқ аудиторияга эга. Энг кўп қизиқишга сабаб бўлган жамоалар ўнлигида умуман ўзгариш кузатилмаган.

“Setanta Sports”да барча ҳудудларда август ойида энг кўп аудитория йиққан воқеалар

Реклама