Серхио Агуэронинг жароҳати жиддий бўлиб чиқди. У операция қилинади
23 июн 2020 14:56
Новости

Серхио Агуэронинг жароҳати жиддий бўлиб чиқди. У операция қилинади

"Манчестер Сити" ҳужумчиси Серхио Агуэронинг отаси Лионель дель Кастильо ўғлининг жароҳати ҳақида гапирди.

"Яқинда у билан гаплашдим. Ҳафта давомида тиззаси уни безовта қилган. Серхио мениска жароҳатини олган, энди МРТ қилинади ва жароҳат даражаси аниқланади.

Ўйлайманки, пайшанба ёки жума куни Барселонада уни операция қилишади, олдин ҳам ўша ерда жарроҳлик амалиёти ўтказилган", - дейди Агуэронинг отаси.

Агуэро кеча АПЛ 30-тури доирасидаги "Бёрнли"га қарши ўйиннинг биринчи таймидан сўнг жароҳат олган эди.

Серхио жорий мавсум "Сити" либосида барча мусобақаларда 32та ўйинда майдонга тушиб, 23та гол ва 4та ассист қайд этди.