Сервер Жепаров: "Ортга йўл йўқ, сўнгги турда фақат ғалаба қозониш керак"
14 янв 2015 18:15
Новости

Сервер Жепаров: "Ортга йўл йўқ, сўнгги турда фақат ғалаба қозониш керак"

Хитойга қарши ўтган ўйиндан сўнг жамоамиз сардори Сервер Жепаров микст зонада ўз фикрларини билдирди.

- Бугунги баҳсда кучли жамоа ғалаба қозонди. Хитойликлар биздан кўра кучли ўйин намойиш этиб, ҳали равишда уч очкони қўлга киритишди. Биз иккинчи бўлимда кўп хатоларга йўл қўйдик. Биринчи таймда устунлик биз томонда бўлган бўлсада, иккинчи бўлимда ўйин жиловини рақибга топшириб қўйдик. Биз ўйинимизни яхшилаш борасида кўп ишлашимиз кераклиги кўринди, - деб гап бошлади Жепаров.

- Бизни учинчи турда янада қийин ўйин кутиб турибди...
- Сўнгги турда олдимизда битта йўл бор: ғалаба қозониш. Бор имокниятимизни ишга солиб фақат уч очко учун майдонга тушамиз.

- Саудия Арабистони ҳам худди биздек ҳолатда...
- Тўғри араблар ҳам фақат ғалаба учун майдонга тушишади, бунга шубҳа йўқ. Улар кучли жамоа, аммо ҳимоясида камчиликлар бор. Ортга йўл йўқ, сўнгги имкониятдан унумли фойдаланишимиз шарт.

Ссылка :

Источник : championat.asia

Получайте новости прямо в Telegram!

Рейтинг: